平時返 office 真係攰到爆，日日對住電腦，又少做運動，搞到肩頸膊痛！坐得耐，成個人硬邦邦，血液循環又差，真係好需要搵個地方鬆一鬆..….好彩俾我搵到間喺屋企附近嘅美療中心 Oasis Beauty，佢哋嘅全身舒壓暢爽按摩真係幫我解決咗唔少煩惱😌！
分店喺元朗貿易中心 24 樓全層，朗屏站行過去都係 10 分鐘內，平時可以放工做完行一陣就返到屋企，超級方便！住大西北嘅朋友一定明，放工喺市區做treatment，舒服一陣，又要搖成個鐘車先返到屋企，做完好似無做咁，變相仲攰咗。所以平時我做按摩一定會揀番間喺屋企附近嘅舖頭，按完即刻可以返屋企relax！
(店內裝修柔和舒服)
我今次做咗個全身舒壓暢爽按摩療程，50 分鐘嘅穴位按摩，真係舒服到暈低！佢哋嘅按摩手法真係好專業，係參考古代《黃帝內經》，利用獨家通經絡手法，定點刺激穴位，俾肌肉有效收縮同放鬆，幫助疏通經絡、放鬆因為長期坐office 導致血液唔流通嘅位置。
好似我呢啲成日坐office 嘅人士，小腿好易水腫，又會容易腰痛，OASIS beauty 嘅按摩師好好咁針對呢啲位置，幫我重點按壓，按嗰陣有啲酸痛感，但按完真係感覺到體內嘅毒素排清，膊頭無咁繃緊，腰同腿都無咁水腫。
人手通淋巴亦都好有效，按摩師會先疏通腹股同腋下嘅淋巴結，排出身體毒素，打通管道，咁啲養分同水分就可以傳到有用嘅位置，加快新陳代謝，氣色都無咁暗沉，有番精神，真係好正！
而且按摩師唔止按摩手勢一流，服務態度都好好，又細心又溫柔，！每個穴位都按得好到位，力度又啱啱好，真係鬆晒全身嘅肌肉！做完之後成個人都輕飄飄咁，真係好似重生咗一樣！
總之，Oasis Beauty 嘅全身舒壓暢爽按摩真係正到爆💥！強烈推薦俾各位住元朗，同我一樣放工攰到爆嘅朋友！真心唔呃你，試完一次包你返尋味😋！
留言列表
